"Zirə" komandası Avropa Liqasında mübarizəni dayandırıb.
Sportnet.az-ın məlumatına görə, II təsnifat mərhələsinin Rumıniyada keçirilən ilk oyununda "Astra"ya 1:3 hesabı ilə uduzan Azərbaycan təmsilçisi Bakıda baş tutan cavab qarşılaşmasında lazımı nəticəni təmin edə bilməyib.
Ayxan Abbasovun rəhbərlik etdiyi kollektiv rəqibin müqavimətini qırmağa müvəffəq olmayıb - 0:0.
Qeyd edək ki, "Zirə" I təsnifat mərhələsində Lüksemburq "Differdanj"ını mübarizədən kənarlaşdırıb.
