"Qəbələ"nin Yunanıstanda "Panatinaikos"la keçirəcəyi Avropa Liqasının III təsnifat mərhələsinin ilk oyunundan öncə mətbuat konfransı və açıq məşqinin vaxtı müəyyənləşib.
Sportnet.az-ın məlumatına görə, iyulun 26-da Afina şəhərindəki "Apostolos Nikolaidis” stadionunda əvvəlcə "qırmızı-qaralar"ın baş məşqçisi Roman Qriqorçuk media önünə çıxacaq. O, Bakı vaxtı ilə 19:00-dan etibarən jurnalistlərin suallarını cavablandıracaq. Saat 19:30-da isə "Qəbələ”nin oyunöncəsi son məşqi baş tutacaq.
Qeyd edək ki, "Panatinaikos” və "Qəbələ” arasında ilk matç da elə bu arenada keçiriləcək. İyulun 27-də oynanılacaq qarşılaşma Bakı vaxtı ilə saat 22:30-da başlayacaq.
