2017/2018 mövsümündə futbol üzrə Azərbaycan Premyer Liqasında çıxış edən klubların əvəzedici kollektivləri arasında təşkil olunan ölkə çempionatının oyunları əsas komandaların matçlarından bir gün sonra keçiriləcək.
Sportnet.az-ın məlumatına görə, bu barədə Peşəkar Futbol Liqasının prezidenti Ramin Musayev məlumat verib. R.Musayev bildirib ki, bu qərarı klubların istəyinə uyğun atıblar: "Belə olmasını klublar istədi. Şəxsi fikrim belədir ki, bu, yanlış qərardır. Təki mən yanılım”.
Qeyd edək ki, bunadək əvəzedici komandaların oyunu əsas kollektivlərin matçlarından bir gün əvvəl keçirilirdi.
