İspaniya "Real Madrid"inin futbolçusu Kriştianu Ronaldu İngiltərə Premyer Liqasına qayıtma ehtimalına münasibət bildirib.
Sportnet.az-ın məlumatına görə, portuqaliyalı hücumçu "Dumanlı Albion"da heç vaxt probleminin olmadığını açıqlayıb. Bu səbəbdən, Ronaldu İngiltərəyə dönmək istədiyini söyləyib: "Xatırlayıram, İngiltərəyə gedəndə hər şeyin necə işlədiyini mənə izah etdilər. Mançesterə gələrkən, 18 yaşım var idi. Mənə vergi mexanizmindən necə yararlanmağın gərəkliyini izah etdilər. İspaniyada isə sadəcə dedilər ki, problem olmaması üçün çox pul ödə".
Xatırladaq ki, İspaniya hökuməti Kriştianu Ronaldunu vergidən yayınmaqda ittiham edib.
