FİFA Konfederasiyalar Kubokunu klublararası dünya çempionatı ilə əvəzləyəcək. Sportnet.az-ın məlumatına görə, ilk çempionat 2021-ci ildə Çində təşkil olunacaq.
İlk mundiala 24 klub qatılacaq. Onlar hər birində 3 komanda olmaqla, 8 qrupa bölünəcəklər. "Pley-off"a yalnız qrup qalibləri yüksələcək.
Dünya çempionatında Avropanın 12, Cənubi Amerikanın 5, Afrika, Asiya və Şimali Amerikanın hərəyə 2 komanda təmsil edəcək. Daha bir vəsiqənin sahibi isə Okeaniya ilə digər konfederasiyaların təmsilçiləri arasında keçiriləcək "pley-off" matçından sonra bilinəcək. Avropanı son 4 qalib və finalçılarla yanaşı, Avropa əmsalında ən yaxşı göstəricilərə malik 4 klub təmsil edəcək.
Qeyd edək ki, 2005-ci ildən keçirilən hazırkı klublararası dünya çempionatında 7 komanda mübarizə aparır. Yarışda 6 qitənin qalibi və təşkilatçı ölkə komandası iştirak edir.
