"Barselona" klubunun texniki məsələlər üzrə direktoru Roberto Fernandez bu gün Dembelenin imza mərasimində mətbuat nümayəndələrinin suallarını cavablandırıb.
Sportnet.az-ın Türkiyə mətbuatına istinadən verdiyi məlumata görə, o, Arda Turan və Duqlas kimi adı başqa komandalara keçiddə hallanan futbolçular barədə açıqlamalar verib. Fernandez çərşənbə gününə qədər bəzi futbolçuların komandadan ayrılacaqlarını dilə gətirib. "Barselona"ya yeni futbolçuların gətirilməsi barədə transfer çalışmalarının davam etdirildiyini deyən klub rəsmisi "Liverpul"dan Koutinyonun, PSJ-dən isə Anhel di Mariyanın alınması ilə bağlı suallara da cavab verib:
"Bir və ya iki futbolçu gələ bilər. Gözləmək lazımdır. Hazırda klub bir futbolçunu gətirmək istəyir amma ad çəkməyəcəm"- deyə o bildirib.
