"Biz Usmanla söhbət etdik. O, "Barselona"ya keçidi barədə ilk olaraq mənim fikirlərimi soruşdu. Mən də ona İspaniyaya getməyi tövsiyyə etdim, çünki bu, onun üçün böyük bir şans idi".
Sportnet.az-ın məlumatına görə, bu sözləri PSJ-nin ulduz transferi Kilian Mbappe həmkarı və həmyaşıdı Usman Dembele barədə danışarkən deyib. 18 yaşlı futbolçu Dembelenin "Barselona" klubuna keçməzdən əvvəl onunla məsləhətləşdiyini bildirib. Gənc hücumçu Dembelenin yeni komandasında uğur qazanacağına ümid etdiyini bildirib: "Əminəm ki, o, yeni komandasıda böyük uğurlar qazanacaq. Messi və Suarezlə birlikdə adından söz etdirə biləcək. Usman inanılmaz bir qabiliyyətə sahib futbolçudur" - deyə fransalı futbolçu fikirlərini ifadə edib.
Qeyd edək ki, U.Dembele keçən ay Dortmund "Borussiya"sından 105 milyon avroya "Barselona"ya transfer edilib.
