Türkiyənin "Sivasspor" klubu Moskva "Lokomotiv"indən Delvin N'Dinqanı transfer edib.
Sportnet.az-ın klubun rəsmi saytına istinadən verdiyi məlumata görə, konqolu yarımmüdafiəçi ilə 2 illik rəsmi müqavilə imzalanıb. 26 yaşlı futbolçu vaxtilə "Monako" və "Olimpiakos" kimi komandalarda da çıxış edib.
Qeyd edək ki, sözügedən oyunçu ötən il "Lokomotiv"ə transfer olunub və çıxdığı 10 oyunda fərqlənə bilməyib.
