İngiltərənin "Arsenal” klubunun icraçı direktoru İvan Qazidis və İtaliya "Yuventus”unun prezidenti Andrea Anyellinin Avropa Klublar Assosiasiyasını (ECA) UEFA-nın İcraiyyə Komitəsində təsmil edəcəklər.
Sportnet.az xəbər verir ki, bununla bağlı İsveçrənin Cenevrə şəhərində UEFA-nın 13-cü Növbədənkənar Konqresində qərar qəbul olunub.
Digər qərara əsasən, Avropa Futbol Liqaları Assosiasiyası UEFA-nın İcraiyyə Komitəsində bir namizədlə təmsil olunacaq. Bununla bağlı Əsasnaməyə düzəliş edilib. İlk dəfə buna 2018-ci il fevralın 26-da Slovakiyanın paytaxtı Bratislavada keçiriləcək Konqresdə riayət olunacaq.
Konqresdə "Rusiya-2018”in təşkilat komitəsinin baş direktoru və Rusiya Futbol İttifaqının İcraiyyə Komitəsinin üzvü Aleksandr Sorokin FİFA Şurasına üzv seçilib.
