İspaniyanın "Real Madrid" klubunun baş məşqçisi Zinəddin Zidanın qardaşı oğlu Driss Yanis Zidan Sequnda B Divizionu klubu "Yunion Adarve"yə keçib. Sportnet.az-ın məlumatına görə, 22 yaşlı yarımmüdafiəçi bu liqada zəruri olan 23 yaşadək 6 futbolçudan biri olacaq.
O, əvvəllər Fransanın aşağı divizion klublarında və "Sent-Etyen"in gənclər komandasında çıxış edib. Ötən yay isə Driss Yanis Zidan İspaniyanın "Toledo" komandasında baxışda olub. Gənc oyunçu "Yunion Adarve"nin heyətində sabah məhz "Toledo" ilə görüşdə debüt edə bilər.
Qeyd edək ki, Zinəddin Zidanın oğlu Entso Zidan "Alaves"də çıxış edir. Bu gün "Real Madrid" İspaniya La Liqasının VI turunun oyununda "Alaves"in qonağı olacaq.
