İtaliyanın "Roma" klubunun baş məşqçisi Eusebio Di Françesko "Qarabağ"la Bakıda keçirəcəkləri Çempionlar Liqasının II tur matçını dəyərləndirib. Sportnet.az-ın məlumatına görə, 48 yaşlı mütəxəssis oyuna ciddi yanaşmalarının vacibliyini vurğulayıb.
O bildirib ki, qalib gəlmək üçün müdafiə olunmaq yox, gözəl çıxış etmək lazımdır: "Biz ab-hava, məsafə məzmunca çətin oyuna yollanırıq. Ola bilsin, rəqibin oyun keyfiyyəti aşağıdır, fiziki gücləri yoxdur. Amma biz matça yaxşı hazırlaşmalıyıq".
Qeyd edək ki, sentyabrın 27-də Bakı Olimpiya Stadionunda keçiriləcək "Qarabağ" - "Roma" matçı saat 20:00-da başlanacaq.
