"Oyunun çətin olacağını bilirdik. Sevindirici haldır ki, ilk dövrədə məğlub olmadıq".
Sportnet.az-ın məlumatına görə, bunu "Zirə"nin baş məşqçisi Ayxan Abbasov səfərdə "Qarabağ"la heç-heçə etdikləri Azərbaycan Premyer Liqasının VII tur matçından sonra mətbuat konfransında deyib. Gənc mütəxəssis bildirib ki, futbolçuları taktiki baxımdan tapşırıqları yerinə yetiriblər: "Müdafiə xətti yalnız son dəqiqələrdə səhv etdi. Ümumi götürəndə isə bu gün xal qazanmağımızı arxa xəttin inamlı çıxışına borcluyuq. Ancaq komandada çatışmazlıqlar var. Yaranmış fasilədə bu çatışmazlıqları aradan qaldırmağa çalışacağıq".
Komandasının artıq 9 oyundur "Qarabağ”a qol vura bilməsini rəqibin güclü olması ilə əlaqələndirən Abbasov Avropa Liqasında çıxış etmələri səbəbindən yaxşı təcrübə qazandıqlarını əlavə edib.
