"Komandamız yaxşı vəziyyətdədir. Ardıcıl qələbələr qazanmışıq, 4 oyundur qalib gəlirik".
Sportnet.az-ın məlumatına görə, bunu "Neftçi"nin futbolçusu Namik Ələskərov "Zirə" ilə bu gün keçirəcəkləri Topaz Premyer Liqasının XI tur matçından əvvəl klub televiziyasına açıqlamasında deyib.
22 yaşlı yarımmüdafiəçi qələbə seriyasını davam etdirməyə çalışacaqlarını və bunun üçün əllərindən gələni edəcəklərini söyləyib. O, azarkeşlərə müraciət edib: "Azarkeşlər, sağ olsunlar, bizi dəstəkləyirlər. Son oyunda da çox yaxşı abu-hava yaratmışdılar. "Zirə” ilə matçda da onları gözləyirik, dəstəklərinə ehtiyacımız var. Azarkeşlərimizlə birlikdə daha güclü oluruq”.
Qeyd edək ki, bu gün Zirə İdman Kompleksinin stadionunda keçiriləcək oyun saat 17:00-da başlanacaq.
