Azərbaycanın 21 yaşadək futbolçulardan ibarət yığma komandasının yeni baş məşqçisi Rəşad Sadıqov hazırda UEFA-nın PRO kateqoriyalı məşqçi kursu çərçivəsində İtaliyanın "Roma" klubunun düşərgəsində təcrübə keçir. Sportnet.az-ın məlumatına görə, Sadıqov əvvəlcə "canavarlar"ın məşqlərini izləyib.
O, eyni zamanda, "Roma"nın baş məşqçisi Eusebio Di Françesko, klubun idman direktoru Ramon Monçi və komandanın bir sıra ulduz futbolçuları ilə görüşərək təcrübəsini artırmaq fürsəti əldə edib. Gənc mütəxəssis dekabrın 16-da İtaliya A Seriyasının "Roma" - "Kalyari" matçını da izləyəcək.
Qeyd edək ki, Rəşad Sadıqov İdman Araşdırmalar Mərkəzinin idman jurnalistləri arasında keçirdiyi sorğu nəticəsində ardıcıl ikinci il Azərbaycanın ən yaxşı futbolçusu seçilib.
