"Qəbələ" rəhbərliyi "Zirə" ilə Topaz Premyer Liqasının XVI tur matçından sonra kütləvi toqquşmada iştirak etmiş futbolçularını cəzalandıracaq.
Klubdan Sportnet.az-a verilən məlumata görə, cəza AFFA İntizam Komitəsinin 2 oyunluq diskvalifikasiyaya məruz qoyduğu kapitan Cavid Hüseynovla müdafiəçi Qismət Alıyevə tətbiq olunacaq. Onlar klubun daxili nizam-intizam kodeksinə uyğun cərimələnəcəklər.
Qeyd edək ki, AFFA İntizam Komitəsi hər iki futbolçuya aqressiv hərəkətləri üzündən 2 oyunluq cəza, "Qəbələ"yə isə 3200 manat cərimə tətbiq edib. Eyni cəza "Zirə"yə və futbolçuları Riçard Qadze ilə Sadio Tounkaraya şamil olunub.
