Azərbaycan Xalq Cümhuriyyəti parlamentinin 100 illik yubileyinə həsr olunan parlament komandalararası beynəlxalq futbol turnirində saxtakarlığa yol verilib.
Sportnet.az-ın məlumatına görə, komandamız turnirin qalibi olduğu final matçında 5 veteran futbolçunun xidmətindən yararlanıb. Bunlar Musa Qurbanov, Hüseyn Məhəmmədov, Əli Abışov, Mehman Yunusov və Vasif Haqvardiyevdir. Üstəlik, futbolçular meydana arxalarında deputatların soyadı yazılmış formalarla çıxıblar. Məsələn, Mehman Yunusov arxasında "R.Mahmudov" yazılmış forma ilə oynayıb. Həmin forma isə deputat Rəşad Mahmudova məxsus olub.
Qeyd edək ki, Azərbaycan komandası finalda Ukraynaya 2:1 hesabı ilə qalib gəlib.
