Türkiyənin "Fənərbağça" klubunun və Slovokiya yığmasının futbolçusu Martin Şkrtel ölümdən dönüb.
Sportnet.az-ın məlumatı görə, təcrübəli müdafiəçi Slovakiyanın yoxlama oyunu çərçivəsində keçirilən "Royal Cup" turnirində Taylandla matçda huşunu itirib.
Qarşılaşmanın 28-ci dəqiqəsində rəqib futbolçunun zərbəsindən sonra top onun sifətinə dəyib. Dili qatlanan futbolçuya öncə komanda yoldaşları köməklik göstərib.
Martin Şkrtel daha sonra həkimlərin köməyi ilə özünə gəlib və oyuna davam edib. 34 yaşlı futbolçu görüşün 73-cü dəqiqəsində əvəzlənib və qarşılaşmanın ardından turnirin kubokunu başı üzərinə qaldırıb.
Qeyd edək ki, Slovakiya bu qarşılaşmada Taylandı 3:2 hesabı ilə məğlub edib.
