İngiltərənin "Mançester Siti" klubunun ulduz futbolçusu Serxio Aquero karyerası haqqında önəmli açıqlamalar verib.
Sportnet.az-ın "Fox Sports"ə istinadən verdiyi məlumata görə, argentinalı forvard "Mançsester Siti"dən ayrılacağı vaxtı söyləyib:
"Mançester Siti" ilə müqaviləm 2020-ci ildə başa çatır. Müqavilə bitən kimi Argentinaya qayıdacam və "İndependiente"də çıxış edəcəm.
30 yaşlı futbolçu son olaraq milli komanda haqda da danışıb: "Milli komandaya borclu olduğumu hiss edirəm. Bu borcu qaytarmağın tək yolu dünya çempionatını qazanmaqdır."
Qeyd edək ki, 2003-2006-ci illərdə ölkəsinin "İndepentiente" klubunda oynayan, daha sonra isə "Atletiko Madrid" və "Mançester Siti" klublarında çıxış edən Aquero, cari mövsüm İngiltərə təmsilçisinin heyətində bütün turnirlər daxil olmaqla 37 matçda 30 qol vurub.
