Türkiyənin "Qalasaray" klubunun mərhum prezidenti Özhan Canaydının heykəli naməlum şəxslərin hücumuna məruz qalıb.
Sportnet.az-ın məlumatına görə, klubun Metin Oktay bazası önündə ucaldılan abidədən Canaydının ayağı qoparılıb. Bundan başqa, heykəlin yanındakı aslan fiquru da oğurlanıb. 2012-ci ildə qoyulan heykələ daha əvvəl də zərər yetirilib.
Qeyd edək ki, Özhan Canaydın 2002 - 2008-ci illərdə "Qalatasaray"ın prezidenti olub. O, 2010-cu ildə 67 yaşında ikən xərçəng xəstəliyindən dünyasını dəyişib.
