UEFA Almaniyanın "Bavariya" klubuna qarşı intizam işi açıb.
Sportnet.az-ın qurumun rəsmi saytına istinadən verdiyi məlumata görə, səbəb klub azarkeşlərinin Çempionlar Liqasının yarımfinal mərhələsində evdə İspaniya "Real Madrid"i ilə ilk matçda qadağan olunmuş pankart açması və oyun vaxtı meydana azarkeşlərin girməsidir. Bu məsələ ilə bağlı qərar mayın 31-də çıxarılacaq.
Qeyd edək ki, "Bavariya" - "Real Madrid" matçı qonaqların 2:1 hesablı qələbəsi ilə başa çatıb. Cavab görüşü mayın 1-də keçiriləcək.
