Gənclər Liqasının "Qəbələ" - "Qarabağ" matçı yekunlaşdıqdan sonra mükafatlandırma mərasimi keçirilib.
Sportnet.az-ın məlumatına görə, mükafatları AFFA İcraiyyə Komitəsinin üzvləri - "Qarabağ" və Azərbaycan milli komandasının baş məşqçisi Qurban Qurbanov, veteran futbolçular İskəndər Cavadovla Vaqif Sadıqov, həmçinin AFFA-nın Texniki Departamentinin direktoru Bernhard Lippert təqdim edib.
Əvvəlcə fərdi mükafatlar təqdim olunub. Həsən Əliquliyev ("Səbail") ən yaxşı qapıçı, Tural Vəlizadə ("Qarabağ) ən yaxşı oyunçu, Kamran Quliyev ("Qəbələ") isə ən məhsuldar oyunçu kimi xatirə hədiyyələri alıblar.
Daha sonra "Səbail"ə bürünc, "Qarabağ"a gümüş, "Qəbələ"yə isə qızıl medal və Gənclər Liqasının kuboku təqdim olunuv.
