Kosovo yığması İranla nəzərdə tutulan yoldaşlıq görüşündən imtina edib.
Sportnet.az-ın məlumatına görə, buna qarşı tərəfin istəyi səbəb olub. İran Futbol Federasiyası Türkiyənin İstanbul şəhərində nəzərdə tutulan qarşılaşmanın azarkeşsiz oynanılması şərtini irəli sürüb. Lakin Kosovo tərəfi futbolun azarkeşlər üçün keçirilməli olduğunu bildirərək, bununla razılaşmayıb. Nəticədə görüş ləğv olunub.
Qeyd edək ki, Kosovo millisi UEFA Millətlər Liqasında Azərbaycanla eyni qrupda yer alıb. İran isə Rusiyadakı dünya çempionatında iştirak edəcək.
