"Qəbələ" klubunun sabiq futbolçusu Lorentso Ebesilio keçmiş sevgilisinin aliment tələbi ilə üzləşib.
Sportnet.az-ın məlumatına görə, Rusiyanın "Anji" klubunda çıxış etdiyi vaxt görüşdüyü Anna Baqayeva 27 yaşlı yarımmüdafiəçidən uşağa qaldığını iddia edir. O, bunu "Pust qovoryat" ("Qoy, desinlər") verilişinin efirində qaldığını açıqlayıb. Baqayeva bildirib ki, onun hamilə olduğunu bildikdən sonra hollandiyalı oyunçu Kiprə yollanıb və APOEL komandasında çıxış etməyə başlayıb. Rusiyalı gözəlçə Ebesiliodan azyaşlı qızı üçün aliment istəyib.
Veriliş zamanı məlum olub ki, Baqayeva keçmişdə kişiləri müxtəlif tədbirlərdə müşayiət etməklə məşğul olub. Bu səbəbdən, tamaşaçılar futbolçunun keçmiş sevgilisindən məhz qaranlıq keçmişini bildikdən sonra uzaqlaşdığı qənaətinə gəliblər. Lakin anası qızının atasının Ebesilio olduğunu sübuta yetirmək üçün DNK testi verməyə hazır olduğunu açıqlayıb.
Qeyd edək ki, Lorentso Ebesilio 2005-ci ildə məşq vaxtı infarkt keçirib. Lakin o, futbolçu karyerasını davam etdirib. Ebesilio 2013-2014 mövsümündə "Qəbələ"də, 2014-2015 mövsümündə "Mordoviya"da, 2015-2016 mövsümündə isə "Anji"də forma geyinib. Təcrübəli oyunçu 2017-ci ilin yayından APOEL-də çıxış edir.
