"Sumqayıt” Futbol Akademiyasının yeni 2018/2019 futbol mövsüm üçün iclası keçirilib.
Sportnet.az-ın məlumatına görə, "Kapital Bank Arena”nın konfrans zalında baş tutan iclasda klubun İdman direktoru Zamiq Hüseynov və əsas komandanın baş məşqçisi Nazim Süleymanov da iştirak edib.
Öncə akademiyanın baş koordinatoru vəzifəsinə təyin edilən Aqil Məmmədov məşqçi heyətinə təqdim olunub. Daha sonra növbəti mövsüm üçün akademiyanın iş prinsipi müəyyənləşdirilib, məşqçilərin fikir və təklifləri dinlənilib.
Qeyd edək ki, Aqil Məmmədov indiyədək "Sumqayıt"ın U-19 komandasının baş məşqçisi vəzifəsində çalışırdı.
