Braziliya Futbol Konfederasiyası millinin baş məşqçisi Tite ilə müqavilənin müddətini uzadıb.
Sportnet.az qurumun rəsmi saytına istinadən xəbər verir ki, 57 yaşlı mütəxəssis 2022-ci ildə Qətərdə keçiriləcək dünya çempionatının sonuna qədər yığmanın sükanı arxasında olacaq.
Qeyd edək ki, Tite 2016-cı ildən Braziliya millisinin baş məşqçisidir. Onun rəhbərlik etdiyi kollektiv Rusiyada təşkil edilən 2018-ci il dünya çempionatının 1/4 finalında Belçika kollektivinə 1:2 hesabı ilə uduzaraq, mükafatçılar sırasına düşməyib. Titenin komandası indiyədək keçirdiyi 26 matçdan 20-də qalib gəlib və 2 dəfə uduzub.
