"Mançester Yunayted" klubu son 29 ildə ilk dəfə İngiltərə Premyer Liqasına zəif başlayıb.
Sportnet.az xəbər verir ki, "qırmızı şeytanlar" VII turda səfərdə "Vest Hem"ə uduzub - 1:3. Joze Mourinyonun baş məşqçi olduğu komandanın aktivində hazırda 10 xal var. Topların nisbəti isə mənfidir - 10:12.
Sonuncu dəfə "Mançester Yunayted" 1989 - 1990 mövsümündə ilk 7 tur ərzində belə az xal toplayıb. 2013-2014 mövsümündə Devid Moyesin baş məşqçi olduğu vaxt da bu komandanın 7 turdan sonra aktivində 10 xal olub. Lakin həmin vaxt topların nisbətində üstünlük var idi - 10:9.
Hazırda "qırmızı şeytanlar" turnir cədvəlində 8-ci pillədə qərarlaşıblar. Tur hələ bitmədiyindən, "Mançester Yunayted"in daha aşağı pillələrə enmə təhlükəsi var.
