UEFA Millətlər Liqasının III turunda Hollandiya ilə qarşılaşan Almaniya matçdan 0:3 hesablı məğlubiyyətlə ayrılıb.
Sportnet.az xəbər verir ki, bu görüş "bundestim”in tarixində antirekord kimi düşüb.
Belə ki, Yoahim Lövün komandası tarixində ilk dəfə ardıcıl 3 oyunda meydanı qol vurmadan tərk edib.
Almanlar DÇ-2018-in Cənubi Koreya ilə matçında (0:2) və Fransa ilə Millətlər Liqasının ilk oyununda da fərqlənə bilməmişdilər.
Qeyd edək ki, Millətlər Liqasının geridə qalan 2 oyununda cəmi 1 xal toplayan Almaniya yığması qrupda sonuncu pillədə qərarlaşıb.
