ABŞ-ın "Los-Anceles Qalaksi” klubunun hücumçusu Zlatan İbrahimoviç gələcək karyerası barədə danışıb.
Sportnet.az-ın "Sky Sports”-a istinadən verdiyi məlumata görə, hücumçu Avropa klublarında icarə əsasında oynamaq istəmədiyini bildirib.
Qeyd edək ki, bundan əvvəl bir sıra KİV-lər futbolçunun İngiltərənin "Mançester-Yunayted” və İtaliyanın "Milan” klublarında oynamaq variantlarını nəzərdən keçirdiyini yazıb.
İbrahimoviç bildirib ki, zədəsi sağalıb və bu yaşda onun üçün iş və istirahəti arasında yaxşı balansın olması vacibdir. Futbolçu klubunun qarşıda iki oyunu qaldığını və pley-offa çıxacaqlarını ümid etdiyini də qeyd edib: "Ancaq komandamız üçün mövsüm tez başa çatsa, hələ nə ilə məşğul olacağım barədə düşünməmişəm”.
