FIFA Qana Futbol Assosiasiyasının (GFA) prezidenti Kvesi Nyantakini futbol fəaliyyətindən ömürlük kənarlaşdırıb.
Sportnet.az-ın ali futbol qurumunun rəsmi saytına istinadən məlumatına görə, Nyantaki etika kodeksinin 3 bəndini pozmaqda günahkar sayılıb. Ömürlük diskvalifikasiya ilə yanaşı, o, FIFA-ya 500 min İsveçrə frankı məbləğində cərimə də ödəməlidir.
Qeyd edək ki, Kvesi Nyantaki mayda Qana prezidentinin əmri ilə həbs olunub. Həbs jurnalist Anas Aremeyaunun sənədli filmindən sonra gerçəkləşib. Həmin filmdə futbol məmurlarının biznesmenlərdən necə rüşvət almalarından bəhs olunur. İyunda Qana hökuməti GFA-nın bütün əməkdaşlarını işdən azad edib.
