"Barselona" klubu İspaniya La Liqasının XI turunda səfərdə "Rayo Valyekano" ilə qarşılaşıb.
Sportnet.az-ın məlumatına görə, Madriddəki "Kampo-de-Valyekas" stadionunda keçirilmiş görüş qonaqların əzmkar qələbəsi ilə yekunlaşıb - 3:2. "Barsa"nın ilk və son qollarını Luis Suares vurub. O, 11-ci və 90-cı dəqiqələrdə fərqlənib. 35-ci dəqiqədə Xose Poso, 57-ci dəqiqədə isə Alvaro Qarsiya fərqlənərək, madridliləri hesabda önə çıxarıb. Kataloniyalıların bərabərlik qolunu isə 87-ci dəqiqədə Usman Dembele vurub.
Beləliklə, "Barselona" ardıcıl olaraq, paytaxtın daha bir komandasını yenməyi bacarıb. Ötən tur evdə "Real Madrid"ə 5:1 hesabı ilə qalib gəlmiş Ernesto Valverdenin komandası bu dəfə "Rayo Valyekano"nu səfərdə məğlubiyyətə uğradıb.
Bu qələbə sayəsində xallarını 24-ə çatdıran "Barselona" liderliyini davam etdirib. "Rayo Valyekano" isə 6 xalla 19-cu pillədədir. Bu tur "Real Madrid" evdə "Valyadolid"ə Kiko Olivasın 83-cü dəqiqədə öz qapısına, Serxio Ramosun isə 88-ci dəqiqədə penaltidən vurduğu qolla qalib gəlib - 2:0. Hazırda "kral klubu" 17 xalla 6-cı yerdədir.
