Futbol üzrə Azərbaycan Kubokunda 2018/2019 mövsümünün püşkü atılıb.
"Report" xəbər verir ki, AFFA-nın inzibati binasında baş tutan mərasimdə yarışda iştirak edəcək 12 komandanın rəqibləri müəyyənləşib.
Komandalar 3 səbətə bölünüb. Birinci səbətdə yer alan "Qarabağ", "Qəbələ", "Neftçi" və "Zirə" mübarizəyə 1/4 finaldan başlayacaq. Püşk zamanı "Sumqayıt", "Keşlə", "Səbail" və "Sabah" ikinci, "Kəpəz", "Qaradağ Lökbatan", "Şüvəlan" və "Ağsu" üçüncü səbətdə yer alıb.
Püşkün nəticələri isə belə olub:
1/8 final (6 dekabr)
1. "Ağsu" - "Sabah"
2. "Şüvəlan" - "Keşlə"
3. "Sumqayıt" - "Qaradağ Lökbatan"
4. "Səbail" - Kəpəz"
1/4 final (15-16 dekabr - 19-20 dekabr)
5. "Qəbələ" - "Ağsu" / "Sabah"
6. "Qarabağ" - "Şüvəlan"/ "Keşlə"
7. "Neftçi" - "Sumqayıt" / "Qaradağ Lökbatan"
8. "Zirə" - "Kəpəz" / "Səbail"
1/2 final (23 aprel - 1 may)
9. 5 cütünün qalibi - 6 cütünün qalibi
10. 7 cütünün qalibi - 8 cütünün qalibi
Final (19 may)
9 cütünün qalibi - 10 cütünün qalibi
Ölkə kubokuna dekabrın 6-da keçiriləcək 1/8 final mərhələsinin oyunları ilə start veriləcək. Final görüşü gələn il mayın 19-da olacaq. Yarışda 1/4 finala qədər qalib bir oyunda müəyyənləşəcək. Bu mərhələdən etibarən isə ev-səfər qarşılaşmaları keçiriləcək. Kubokda limit Premyer Liqada olduğu kimidir - 6+4+1 (6 legioner + 4 Azərbaycan vətəndaşı + 1 nəfər 1996-cı il doğumlu və daha gənc Azərbaycan vətəndaşı).
Matçın protokolunda 1998-ci il təvəllüdlü (Azərbaycan vətəndaşı) və ya daha gənc 1 oyunçunun (Azərbaycan vətəndaşı) olması mütləqdir.
Qeyd edək ki, Azərbaycan Kubokunda Premyer Liqanın 8 komandası ilə yanaşı, I Divizionun 4 təmsilçisi mübarizə aparacaq.
----------------------------------------------------------
Bu gün Azərbaycan Kubokunda 2018/2019-cu il mövsümünün püşkatma mərasimi keçiriləcək.
Sportnet.az-ın məlumatına görə, yarışda 12 komanda mübarizə aparacaq. Bunlar Premyer Liqanın 8 klubu ilə yanaşı, I Divizion təmsilçiləri "Kəpəz”, "Qaradağ Lökbatan”, "Şüvəlan” və "Ağsu”dur. Komandalardan 4-ü mübarizəyə birbaşa 1/4 finaldan, qalanları isə 1/8 finaldan başlayacaq.
Qeyd edək ki, noyabrın 14-də AFFA-nın inzibati binasında keçiriləcək tədbir saat 13:00-da başlanacaq.
