"Çempion komandaya gəlmişəm. Üstəlik, komanda bu titulu qazandıqdan sonra ilk transferiyəm”. Sportnet.az-ın məlumatına görə, bu sözləri "Qarabağ”ın yeni transferi Danilo Dias klub saytına açıqlamasında deyib.
Braziliyalı hücumçu yeni komandasının uğurları üçün var gücü ilə çalışacağını bildirib: "Bilirəm ki, bu vəziyyətdə məndən gözləntilər çoxdu. Təbii ki, buraya uğur qazanmağa gəlmişəm. Bunun üçün hər şeyi edəcəm. Komandanın 1 parçası olmaq cox vacibdir. Çünki, uğurları ayrı fərdlər deyil komanda şəklində qazanmaq olar. Bilirəm ki, komandada daha 3 braziliyalı var. Həmvətənlərimin olması əlbəttə ki, adaptasiya baxımından üstünlükdür. Qarşıdan Çempionlar Liqası gəlir. Bu turnirə yaxşı hazırlaşmaq lazımdır. Azarkeşlərimizə sözüm odu ki, onlar sona qədər meydanda "Qarabağ” üçün döyüşən futbolçu görəcəklər”.
Qeyd edək ki, Ağdam klubu ilə 2 illik müqavilə bağlayan Dias yeni komandasında 11 nömrəli formanı geyəcək.
