"Qarabağ"ın baş məşqçisi Qurban Qurbanov İngiltərədə "Arsenal" komandası ilə oyunun uzatma dəqiqələrində baş vermiş insidentə münasibət bildirib.
Sportnet.az xəbər verir ki, 46 yaşlı mütəxəssis erməni fanatın qondarma DQR bayrağı ilə meydana soxulmasını pisləyib. "Bu barədə çox danışmaq istəmirəm. Sadəcə, qorxaqlar belə edirlər. Futbolda hamıya hörmətlə yanaşmaq lazımdır. Orada qaçmaq yox, durub dayanmaq lazım idi. Nə isə göstərməyi yalnız qorxaqlar edə bilərlər" deyə o vurğulayıb.
Qeyd edək ki, oyun "Arsenal"ın 1:0 hesablı qələbəsi ilə yekunlaşıb.
