"Qarabağ" klubunun qış təlim-məşq toplanışı müddətində keçirəcəyi yoxlama oyunlarındakı rəqiblərindən daha biri müəyyənləşib.
Sportnet.az "Monitorulbt.ro" saytına istinadən xəbər verir ki, Ağdam təmsilçisi Türkiyənin Antalya bölgəsində keçirəcəyi hazırlıq prosesi zamanı Rumıniyanın "Botaşani" klubu ilə qarşılaşacaq. Görüş yanvarın 12-də baş tutacaq.
Qeyd edək ki, son ölkə çempionu yanvarın 23-də Polşanın "Pyast" kollektivi ilə üz-üzə gələcək. Komanda yanvarın 6-da Antalyaya yollanacaq. Belekdə məskunlaşacaq "Qarabağ” yanvarın 27-də Vətənə dönəcək.
