Hazırda "Erzurumspor"da çıxış edən Bosniya və Herseqovina yığmasının qapıçısı İbrahim Şehiç Türkiyənin Antalya bölgəsində təlim-məşq toplanışında olan keçmiş komandası "Qarabağ"ı ziyarət edib.
Sportnet.az-ın məlumatına görə, bu barədə təcrübəli qolkiper şəxsi "facebook" səhifəsində yazıb. Şehiç Ağdam təmsilçisinin kapitanı Rəşad Sadıqov, eləcə də legionerlər Ansi Aqolli və Yakub Jezniçakla birgə fotolarını yayımlayıb.
Qeyd edək ki, İbrahim Şehiç "Erzurumspor"a ötən yay azad agent qismində keçib. Onunla hazırda "Trabzonspor"un maraqlandığı bildirilir.
