İtaliyanın "Roma" klubu baş məşqçi Eusebio Di Françesko ilə yollarını ayırıb.
Sportnet.az "canavarlar"ın rəsmi saytına istinadən xəbər verir ki, bu qərar komandanın Portuqaliyada "Portu"ya 1:3 hesabı ilə uduzduğu Çempionlar Liqasının 1/8 final mərhələsinin cavab görüşündən sonra qəbul olunub. Həmin məğlubiyyətdən sonra paytaxt təmsilçisi yarışla vidalaşıb. Baş məşqçi isə mətbuat konfransına qatılmayıb. UEFA-nın 50 yaşlı mütəxəssisi cərimələyəcəyi bildirilir.
Qeyd edək ki, hazırda "Roma" İtaliya A Seriyasında 26 oyundan 44 xalla 5-ci pillədə qərarlaşıb və 4-cü yerdəki "İnter"dən 3 xal geri qalır.
