Ukrayna Premyer Liqasının XI turunun mərkəzi görüşü "Şaxtyor" və "Dnepr" komandaları arasında keçirilib. Sportnet.az-ın məlumatına görə, "Lvov Arena"da baş tutan qarşılaşmada qalib müəyyənləşməyib - 0:0.
86-cı dəqiqədə Mladen Bartuloviç meydandan qovularaq, "Dnepr"i azlıqda qoyub. Bununla belə, nominal qonaqlar matçdan xalla ayrılmağı bacarıblar.
Bu nəticədən sonra "Dnepr" 26 xalla 2-ci, "Şaxtyor" 22 xalla 3-cü pillədə qalıb. Turnir cədvəlinə 26 xala malik və ehtiyatda bir oyunu olan Kiyev "Dinamo"su başçılıq edir.
Qeyd edək ki, "Dnepr" Avropa Liqasının qrup mərhələsində "Qarabağ"ın rəqiblərindəndir. Bu komandalar arasında Kiyevdə keçirilmiş görüşdə Azərbaycan təmsilçisi 1:0, Bakıdakı qarşılaşmada isə Ukrayna komandası 2:1 hesabı ilə qalib gəlib.
