"Neftçi" klubu yeni titul sponsorunun adını açıqlayıb.
Sportnet.az-ın məlumatına görə, bu, "Türk Hava Yolları" aviaşirkətidir. Şirkətin adı bundan sonra "ağ-qaralar"ın oyun formalarında da yazılacaq. Daha əvvəl bu ad məşq formalarında idi.
Klubun yeni formada ilk rəsmi matçına iyulun 11-də Moldovanın paytaxtı Kişinyovdakı "Zimbru" stadionunda "Sperantsa" ilə Avropa Liqasının I təsnifat mərhələsinin ilk oyununa təsadüf edəcək. Görüş Bakı vaxtı ilə saat 21:00-da başlanacaq.
Qeyd edək ki, "Neftçi" klubu titul sponsorluğuna dair geniş açıqlamanı yaxın günlərdə verəcəyini bəyan edib.
