Hazırda Çinin "Çjetszyan Qrintaun" klubunda çıxış edən "Qarabağ"ın sabiq futbolçusu Dino Ndlovu dəbədəbəli həyat tərzi keçirir.
Sportnet.az-ın "Briefly" nəşrinə istinadən məlumatına görə, 29 yaşlı hücumçu vətəni Cənubi Afrika Respublikasında (CAR) əsl incəsənət şedevri sayılan və ailəvi evə bənzəyən yeni mənzil alıb.
Bundan başqa, afrikalı hücumçu avtomobillərə böyük maraq göstərir. Bu yaxınlarda Ndlovu 3 milyon randa (təqribən 360 min manat) "Audo R3" modelli avtomobil alıb. Onun birinci sinif "Mercedes-AMG G-Class G63", "Porsche Cayenne GTS Turbo", "Audi R8" və Mercedes Benz GTS"i də var. Bu maşınlar 6,7 milyon rand (804 min manat) ümumi dəyərə malikdir.
Ndlovu xanımına da bahalı geyim ləvazimatları almaqla diqqət çəkib. O, 13500 randa (1620 manat) "Prada" ayaqqabısı və "Versace"dən 7500 randa (900 manat) bikini alıb.
Onun hazırkı əmək haqqı və şəxsi kapitalının nə qədər olduğu bəlli deyil. Amma mənbələr Ndlovunun CAR-da ən ödənişli futbolçulardan biri olduğunu təsdiqləyir.
Qeyd edək ki, Dino Ndlovu "Qarabağ"da 2016-cı ilin avqustundan 2018-ci ilin yanvarınadək forma geyinib.
