"Yuventus" klubu İtaliya A Seriyasının XVIII turunda "Kalyari"ni qəbul edib. Turindəki "Alyants" stadionunda keçirilmiş qarşılaşma meydan sahiblərinin böyük hesablı qələbəsi ilə yekunlaşıb - 4:0.
Qollardan 3-nü Kriştianu Ronaldu vurub. 49-cu dəqiqədə hesabı açan portuqaliyalı hücumçu 67-ci dəqiqədə penalti ilə fərqi artırıb. 81-ci dəqiqədə Qonsalo İquain fərqlənib. 82-ci dəqiqədə isə Ronaldu son nöqtəni qoyub.
Bu qələbə sayəsində xallarını 45-ə çatdıran "Yuventus" liderliyə yüksəlib. 29 xala malik "Kalyari" isə 6-cıdır.
