Bu gün Azərbaycan Premyer Liqasında çıxış edən 6 klub növbəti dəfə yoxlama oyunları keçirib.
"Report"un məlumatına görə, günün iki qarşılaşması eyni saatda start götürüb.
Koronavirus pandemiyası ilə bağlı fasilədən sonra ilk sınaq matçında "Keşlə"yə 3:1 hesabı ilə qalib gələn "Neftçi" "Bakcell Arena"da "Qəbələ"ni qəbul edib. Görüş paytaxt təmsilçisinin 2:1 hesablı qələbəsi ilə başa çatıb.
Əvvəlki oyunda "Qarabağ"a 0:5 hesabı ilə uduzan "Sabah"ın budəfəki rəqibi "Zirə" olub. "Bank Respublika Arena"dakı matçda meydan sahibləri qalib gəliblər - 1:0.
Günün son qarşılaşmasında isə "Qarabağ" Tofiq Bəhramov adına Respublika stadionunda "Səbail"ə 3:1 hesabı ilə qalib gəlib.
Qeyd edək ki, bu günə "Sumqayıt" və "Keşlə" komandaları arasında da yoxlama oyunu nəzərdə tutulsa da, sonuncular oynamaqdan imtina etdiyi üçün görüş baş tutmayacaq.
13 iyun
Yoxlama oyunları
19:00. "Neftçi" - "Qəbələ" - 2:1
Qol: Mirabdulla Abbasov, 40. Dario Frederiko, 63 - Rövlan Muradov, 26
"Bakcell Arena"
19:00. "Sabah" - "Zirə" - 1:0
Qol: Ceyhun Nuriyev, 90
"Bank Respublika Arena"
19:30. "Qarabağ" - "Səbail" - 4:1
Qollar: Mahir Emreli, 24. Ovusu Kvabena, 42, Qara Qarayev, 86, Filip Ozobiç, 116 - Bahadur Həziyev, 8
Tofiq Bəhramov adına Respubliika stadionu
