"Sabah"ın əvəzedici komandasında məşqçi dəyişikliyi gerçəkləşib.
Sportnet.az klubun rəsmi saytına istinadən xəbər verir ki, İlqar Mənsimov əvəzedici komandanın baş məşqçisi, Saşa Yunisoğlu isə köməkçi məşqçi vəzifəsinə təyin olunub.
Ötən mövsüm əvəzedici komandamızın baş məşqçisi olan Rövşən Babayev isə bundan sonra akademiyamızda seleksiya xidmətinin rəhbəri vəzifəsini icra edəcək.
Qeyd edək ki, həm Mənsimov, həm də Yunisoğlu ötən mövsüm “Sabah”ın U-17 komandasında çalışıb. U-17 komandamız 2019/20-ci il mövsümünü çempion kimi başa vurub.
