Azərbaycan Premyer Liqasının IV turunda səfərdə “Keşlə”nin qonağı olacaq "Zirə" bu rəqiblə 20-ci dəfə üz-üzə gələcək.
Sportnet.az klubun rəsmi saytına istinadən xəbər verir ki, komandalar indiyədək çempionatda 19 dəfə görüşüb. Hesabında 5 qələbə olan “qartallar” 8 dəfə meydanı 1 xalla tərk edib. Digər 6 matçda “Keşlə” qalib gəlib. Rəqib qapısından 20 top keçirən "Zirə" 22 qol buraxıb.
Bunadək 10 dəfə rəqibin qonağı olan “qartallar” səfərdə 2 qələbə və 3 heç-heçəyə imza atıb. Meydan sahibləri isə 5 dəfə üç xala sevinib. Top fərqi də "Keşlə"nin xeyrinədir – 13:7.
Qeyd edək ki, sentyabrın 26-da “ASK Arena”da keçiriləcək “Keşlə” – “Zirə” matçı saat 20:15-də başlayacaq.
