İspaniya "Barselona"sının idman direktoru Andoni Subisareta və onun köməkçisi Karles Puyol klubla yollarını ayırıb. Sportnet.az-ın məlumatına görə, Subisareta prezident Xosep Mariya Bartomeunun qərarı ilə istefaya göndərilib.
Onunla müqavilə qarşılıqlı razılıq əsasında pozulub. Subisareta 1986 - 1994-cü illərdə "Barsa"nın futbolçusu olub. O, 2010-cu ilin iyulundan klubda idman direktoru idi.
Puyol isə öz istəyilə Kataloniya komandasındakı fəaliyyətinə son qoyub. Əfsanəvi kapitan qərarının səbəbini açıqlamayıb.
