İngiltərənin "Liverpul" klubu tezliklə Almaniya yığmasına baş məşqçi təyin olunacağı bildirilən Yurgen Kloppa əvəz axtarır.
Sportnet.az-ın "Mirror"a istinadən məlumatına görə, almaniyalı mütəxəssisin yerinə Şotlandiya "Reyncers"indən Stiven Cerrard gətirilə bilər. Böyük ehtimalla, Klopp yığmanın təklifini qəbul edəcək və "Liverpul"dan ayrılacaq. "Qırmızılar" Premyer Liqada 25 turdan sonra 6-cı yerdə gedir.
Qeyd edək ki, Stiven Cerrard "Liverpul"da 1998 - 2015-ci illərdə forma geyinib. Onun 2018-ci ildən rəhbərlik etdiyi "Reyncers" bu mövsüm Avropa Liqasının 1/8 finalına yüksəlib və Şotlandiya çempionatında liderdir.
