"Bazel" həmişə beynəlxalq arenada oynamalıdır".
Sportnet.az-ın məlumatına görə, bunu "Qarabağ"ın UEFA Konfrans Liqasının qrup mərhələsindəki rəqiblərindən olan İsveçrənin "Bazel" klubunun sahibi David Degen yerli mətbuata açıqlamasında deyib.
38 yaşlı keçmiş futbolçu qrupdakı rəqiblərin onlar üçün qənaətbəxş olduğunu bildirib: "Uzun səfərlərdən məmnun deyiləm. Amma əks halda rəqiblərdən razıyam. Sadəcə, onları məğlub etməliyik".
Qeyd edək ki, "Bazel" ilk görüşünü sentyabrın 16-da Tofiq Bəhramov adına Respublika stadionunda "Qarabağ"a qarşı keçirəcək. H qrupunda Kiprin "Omoniya" və Qazaxıstanın "Kayrat" komandaları da yer alıb.
