UEFA Avropa Liqasında qrup mərhələsinə start verilib.
Sportnet.az-ın məlumatına görə, ilk oyun günündə 1 qarşılaşma keçirilib.
Açılış matçında Azərbaycan millisinin hücumçusu Mahir Emrelinin çıxış etdiyi Polşa "Legiya"sı Rusiyada "Spartak" (Moskva) klubu ilə üz-üzə gəlib. "Spartak" stadionunda oynanılan görüş qonaqların 1:0 hesablı qələbəsi ilə başa çatıb. Yeganə qolu matçın əsas vaxtına əlavə olunmuş 2-ci dəqiqədə Lirim Kastrati vurub.
Oyuna start heyətində başlayan Emreli 82-ci dəqiqədə Tomaş Pexartla əvəzlənib. 24 yaşlı hücumçu 77-ci dəqiqədə fərqlənmək üçün yaxşı fürsət yaxalasa da, başla vurduğu top dirəyə dəyərək qapı xəttini tərk edib.
Qeyd edək ki, C qrupunun digər oyununda İngiltərə "Lester"i İtaliya "Napoli"sini qəbul edəcək.
-------------------------------------
Bu gün UEFA Avropa Liqasında qrup mərhələsinə start veriləcək.
Sportnet.az-ın məlumatına görə, ilk oyun günündə 1 qarşılaşma keçiriləcək.
Açılış matçında Azərbaycan millisinin hücumçusu Mahir Emrelinin çıxış etdiyi Polşanın "Legiya"sı Rusiyada "Spartak" (Moskva) klubu ilə üz-üzə gələcək.
"Spartak" stadionunda oynanılacaq görüş Bakı vaxtı ilə saat 18:30-da başlayacaq.
Avropa Liqası
Qrup mərhələsi, I tur
C qrupu
18:30. "Spartak" (Moskva, Rusiya) - "Legiya" (Polşa) - 0:1 (İKİNCİ HİSSƏ)
Qol: Lirim Kastrati, 90+2
Moskva, "Spartak" stadionu
Qeyd edək ki, Avropa Liqasında qrup mərhələsinin digər matçları sentyabrın 16-da baş tutacaq.
