Avropa Liqasının 1/16 final mərhələsində İngiltərədə keçirilən "Liverpul" - "Beşiktaş" matçının qəhrəmanı Ramon Motta üzr istəyib. Sportnet.az-ın məlumatına görə, futbolçu "Enfild Road"da keçirilən oyunun 85-ci dəqiqəsində istanbul klubunun qapısına təyin edilən penaltini yerinə yetirməkdən imtina etdiyini bildirib.
Braziliyalı futbolçu şəxsi "Twitter" hesabında səhvə yol verməmək üçün bu cür addım atdığını yazıb: "Oyunda baş verənlər üçün üzr istəyirəm. Penaltidən öz istəyimlə imtina etdim. Təəssüf ki, bu cür hadisələr baş verir. Amma belə bir oyunda səhvə yol vermək istəmədim. Həmişə klubuma və geyindiyim formaya hörmət etdiyim üçün hər kəsdən bunu gözləyirəm".
Qeyd edək ki, "Liverpul" - "Beşiktaş" matçı 1:0 hesabı ilə başa çatıb.
