2022-ci il dünya çempionatının Avropa zonası üzrə seçmə mərhələsinə yekun vurulub.
Sportnet.az-ın məlumatına görə, X turun son oyun günündə D, E, və G qruplarında ümumilikdə 7 görüş baş tutub. Bununla da Avropadan final mərhələsinə və pley-offa vəsiqə qazanan son komandalar bəlli olub.
D qrupunda 2-ci yer uğrunda mübarizə aparan Finlandiya millisi Fransanı qəbul edib və rəqibinə uduzub. Qrupun digər oyununda Ukrayna seçməsi Bosniya və Herseqovinanın qonağı olub. Səfərdə inamlı hesablı qələbə qazanan Aleksandr Petrakovun rəhbərlik etdiyi kollektiv 2-Finlandiyanı qabaqlayaraq qrup 2-cisi olub və pley-offa adlayıb.
E qrupunda final mərhələsinə birbaşa yollanacağı dəqiqləşən Belçika səfərdə Uelslə qarşılaşıb. Oyunda qalib müəyyənləşməyib. Çexiya yığması isə evdə Estoniyanı məğlub edib. Qrupda 2-ci yeri tutan britaniyalılar pley-offa yüksəliblər. Çexiyalılar isə daha əvvəl UEFA Millətlər Liqasından pley-offa vəsiqəni təmin edib.
Gecənin ən maraqlı oyunları G qrupunda gerçəkləşib. Niderland millisi evdə Norveçə çətinliklə qalib gəlib. Digər önəmli matçda Türkiyə seçməsi səfərdə Monteneqro üzərində əzmkar qələbə qazanıb - 2:1. Matçda hesabı meydan sahibləri açsalar da, 22-ci dəqiqədə Kerem Aktürkoğlu, 60-cı dəqiqədə isə Orkun Kökçü fərqlənərək, qonaqları sevindirib. Bu nəticələrdən sonra qrupu 1-ci sırada tamamlayan "narıncılar" final mərhələsinə, "ay-ulduzlular" isə pley-offa vəsiqə əldə edib.
-----------------------------------------
Bu gün 2022-ci il dünya çempionatının Avropa zonası üzrə seçmə mərhələsinə yekun vurulacaq.
Sportnet.az-ın məlumatına görə, X turun son oyun günündə D, E, və G qruplarında ümumilikdə 7 görüş baş tutacaq. Bununla da Avropadan final mərhələsinə və pley-offa vəsiqə qazanan son komandalar bəlli olacaq.
D qrupunda 2-ci yer uğrunda mübarizə aparan Finlandiya millisi Fransanı qəbul edəcək. Didye Deşamın baş məşqçi olduğu komanda mundiala vəsiqəni təmin etdiyindən qarşılaşma qonaqlar üçün elə də önəm daşımır. Meydan sahibləri isə pley-offa çıxmaq üçün evdə ən azından uduzmamalıdır. Qrupun digər oyununda Ukrayna seçməsi Bosniya və Herseqovinanın qonağı olacaq. Aleksandr Petrakovun rəhbərlik etdiyi kollektiv pley-offa adlamaq üçün səfərdə qələbə qazanmaqla yanaşı, finlandiyalıların xal itirməsini gözləməlidir.
E qrupunda final mərhələsinə birbaşa yollanacağı dəqiqləşən Belçika səfərdə Uelslə qarşılaşacaq. Çexiya yığması isə evdə Estoniya ilə üz-üzə gələcək. Uels və Çexiya kollektivləri qrupda 2-ci yer uğrunda mübarizə aparsalar da, UEFA Millətlər Liqasından pley-offa vəsiqəni təmin ediblər.
Gecənin ən maraqlı oyunları E qrupunda olacaq. 20 xalla qrupa başçılıq edən Niderland millisi evdə Norveçi sınağa çəkəcək. Digər önəmli matçda isə Türkiyə seçməsi səfərdə Monteneqro ilə qarşılaşacaq. Vacib oyunlar öncəsi "narıncılar"ın dünya çempionatına birbaşa vəsiqə qazanmaq şansı daha böyükdür. Lui Van Qalın baş məşqçi olduğu komanda heç-heçə sayəsində də bunu bacara bilər. 18 xala malik Türkiyə və Norveçin də qrupu birinci pillədə bitirmək şansları var. Bunun üçün hər iki kollektiv meydanı qələbə ilə tərk etməlidir. Bundan sonra isə komandalar arasında top fərqinə baxılacaq.
DÇ-2022, seçmə mərhələ
X tur
16 noyabr
D qrupu
23:45. Finlandiya - Fransa - 0:2
Qollar: Kərim Benzema, 66. Kilian Mbappe, 76
23:45. Bosniya və Herseqovina - Ukrayna - 0:2
Qollar: Aleksandr Zinçenko, 59. Artyom Dovbik, 79
Xal durumu: Fransa - 18, Ukrayna - 12, Finlandiya - 11, Bosniya və Herseqovina - 7, Qazaxıstan - 3.
E qrupu
23:45. Uels - Belçika - 1:1
Qollar: Kiffer Mur, 32 - Kevin De Brüyne, 12
23:45. Çexiya - Estoniya - 2:0
Qollar: Yakub Brabets, 59. Yan Sikora, 85
Xal durumu: Belçika - 20, Uels - 15, Çexiya - 14, Estoniya - 4, Belarus - 3.
G qrupu
23:45. Cəbəllütariq - Latviya - 1:3
Qollar: Liam Uoker, 7 - Vladislav Qutkovski. 25, Roberts Uldrikis. 55, Raymonds Krollis, 75
23:45. Monteneqro - Türkiyə - 1:2
Qollar: Fatos Beçiray, 4 - Kerem Aktürkoğlu. 22, Orkun Kökçü, 60
23:45. Niderland - Norveç - 2:0
Qollar: Stiven Berqveyn, 84. Memfis Depay, 90+1
Xal durumu: Niderland - 23, Türkiyə - 21, Norveç - 18, Monteneqro - 12, Latviya - 9, Cəbəllütariq - 0.
Qeyd edək ki, daha əvvəl Avropa zonasından Almaniya, Danimarka, Belçika, Fransa, Xorvatiya, Serbiya, İspaniya, İngiltərə və İsveçrə yığmaları DÇ-2022-yə vəsiqə qazanıb. Pley-off mərhələsində isə hələlik Portuqaliya, İsveç, Şotlandiya, Rusiya, Şimali Makedoniya, İtaliya və Polşa millilərinin çıxış edəcəkləri dəqiqləşib.
