"Neftçi" klubu daha bir layihəyə start verir.
Sportnet.az-ın paytaxt təmsilçisinin rəsmi saytına məlumatına görə, "ağ-qaralar"ın nəzdində yaradılan “Neftçi” Futbol Məktəbi yaxın günlərdə fəaliyyətə başlayacaq.
Burada uşaqlara texniki, taktiki və koordinasiya baxımından bacarıqlar öyrədilərək, ölkə idmanına və “Neftçi” Futbol Akademiyasına peşəkar futbolçular qazandırmaq məqsədilə əsas futbol təlimləri keçiləcək.
Məşqləri "Neftçi"yə məxsus "Türk Hava Yolları Futbol Mərkəzi"ndə Futbol Akademiyasının məşqçiləri keçəcəklər. Artıq qeydiyyat prosesinə start verilib. Dərslər ödənişli əsaslarla təşkil olunacaq.
